إلى كل من يلعب سيلك رود إستهزاء بالدين الإسلامى

اولا الموضوع ده لقيته على منتدى تانى ملوشدعوة بالكمبيوتراوى لكن بمجال تانى فقلت فيه فائد للعضاء

بسم الله الرحمن الرحيم

السلام عليكم ورحمة الله وبركاته

كلنا عارفين قصة الكتابات اللى فى سيلك رود اللى بتهين الله عز وجل
ياااااااه يا جماعه متخيلين الذنب متخيلين الناس دى بتغلط فى مين دى بتغلط
فى ربك عارف يعنى ايه بيغلطوا فى رب العزه استغفر الله العظيم واتوب اليك
يا جماعه ده ذنب عظيم انتوا متخيلين مش بيغلطوا فى شخص ولا انسان دول
بيمثلوا الذات العليا يا جماعه انا دمى واعصابى محروقه حد يجابونى ليه كلنا
عارفين الموضوع وساكتين ؟؟!!

حدثنا عبيد الله بن موسى قال أخبرنا حنظلة بن أبي سفيان عن عكرمة بن خالد
عن بن عمر رضي الله عنهما قال قال رسول الله صلى الله عليه وسلم : (بني
الإسلام على خمس شهادة أن لا إله إلا الله وأن محمدا رسول الله وإقام
الصلاة وإيتاء الزكاة والحج وصوم رمضان).

رواه البخاري

الكلام من صحيح البخارى يعنى مفيش حجه انو يكون الحديث كاذب شايف بيقول ايه
الحديث شهادة (أن لا اله الا الله وأن محمدا رسول الله ) يعنى من غير
الشهاده دى انت مش مسلم ولا تعرف عن الاسلام شىء واحد بيلعب لعبه بتقول ان
غافر الذنب شخصيه داخل اللعبه مالهاش اى قيمه او سيبك مش هنقول ان اللعبه
بتقول ان الشخصيه دى كده اللعبه مسة بمعتقداتنا الدينيه وياريت لمست شىء
صغير دى لمست الذات العليا يا جماااااااعه ده ربنا انتوا مش عارفين حق ربنا
حرام عليكو اللى بتعملوه فى نفسكوا ده حديث تانى يمكن لسه مش اقتنعت
بكلامى ، حدثنا سليمان بن حرب قال حدثنا شعبة عن قتادة عن أنس رضي الله عنه
عن النبي صلى الله عليه وسلم قال : (ثلاث من كن فيه وجد حلاوة الإيمان من
كان الله ورسوله أحب إليه مما سواهما ومن أحب عبدا لا يحبه إلا لله ومن
يكره أن يعود في الكفر بعد إذ أنقذه الله كما يكره أن يلقى في النار).

رواه البخاري

من كان الله ورسوله احب اليه مما سواهما تخيل مما سواهما دى بتساوى ايه امك
وابوك ونفسك وعائلتك وزوجتك او بنتك او ابنك او اى كائن كان بتربطك بيه
علاقة حب وموده تخيل يوم ما تقف بين يدى الرحمن ويسألك عملت بالحديث ده
هتقولو ايه ياترى هتقولو اصلى سيلك رود لعبه مالهاش قيمه واحنا مش بنعمل
باللى مكتوب فيها احنا مجرد بنلعب بس اه بتلعب بس وبتشترى سيلك وبتدفع
للموقع وبتزود من رصيد اللعبه ومن شعبيتها تخيل هتقولى انت مش بتعمل باللى
بتقوله اللعبه بس انت بتشارك فيه لو انت خرجت من اللعبه وانا خرجت والكل
خرج والشركه شافت ان اللعبه شعبيتها نزلت اكيد هتقف اكيد هتراجع نفسها لان
كلنا عارفين ان المصريين والعرب من اكتر الناس اللى بتلعب اللعبه دى متقولش
ما انا لو خرجت غيرى مش هيخرج خليك فى نفسك غيرك يوم القيامه مش هيتحاسب
مكانك تخيل اخى لو حد اجنبى او اى واحد بيعرف يتكلم عربى هنقول اسرائيلى
مثلا وشاف الكلمه دى وبعد شويه شاف واحد عربى مسلم بيقول لا اله الا الله
محمد رسول الله بيلعب اللعبه ياترى وقتها هيحترمك ولا هيحترم الدين اللى
انت منه اذا كنت انت مش بدافع عن دينك هو هيفكر انو يدخل فيه انا عارف ان
كلامى صعب عليكم معلش استحملونى وبلاش يا جماعه تهيننوى ولا تكتبوا ردود زى
اللى اتكتبت فى الموضوع السابق واحد يقولى احنا بعتنا رسايل للموقع عشان
يوقف الموضوع ده والموقع الرسمى تجاهلنا وبدل ما يترك اللعبه لا لسه بيلعب
وحاطط فى التوقيع بتاعه صوره لشخصيته داخل اللعبه واسمه ومواصفاته كمان
بيعمل اعلان للعبه مش كفايه اللى بيحصل فيها لا اله الا الله محمد رسول
الله للدرجه دى الاستهانه للدين للدرجه دى بنهين نفسنا ايه اللى يجبرك على
انك تلعب حاجه بتهينك ياخى حرام عليك دى بتهين ربنا بزمتك لو حد شتمك فى
الشارع بتسكتله بتقولو الله يسامحك جاوبنى وجاوب نفسك هتسيبه لو شتمك هتروح
تقول والده انو شتمك وبعد ما هتقول لوالده ووالده مش عمل حاجه وسكت وشتمك
تانى وتالت ورابع هتعمل ايه هتضربوا ولا هتشتمه وتدافع عن نفسك مش هو ده
اللى بيحصل تخيل بقى دى مش بتهينك انت دى بتهين ربك اللى انت بتسجد ليه فى
كل صلاه لو كنت بتصلى ياخى استفتى قلبك وشوف قلبك بيقول ايه حرام عليكم
نفسكم حرام عليكم دينكم حرام حرام حرام ارجوكم ارجوكم خدوا موقف واحد فى
حياتكم قوى بلاش نبقى سلبيين بالشكل ده ارجوك يالى بتقرى خد موقف واحد صح
قول لا قول ربنا اعلى من اى شىء قول رسولى اعلى من اى شىء قول لا اله الا
الله محمد رسول الله ارجوك قولها من قلبك وشوف هتلعب اللعبه ولا لا متقولش
زى التافهين واللى معندهمش ايمان ولا دين ياعم نفض يا عم كبر دماغك هو احنا
اللى كتبنا كده ياعم احنا بنتسلى وبس ياعم ياعم ياعم طيب وبعدين هتفضل
لامتى كده اتقى الله فى اعمالك ده احنا فى شهر كريم حتى عشان خاطر صيامك
اللى بتصيمه لربنا اللى اللعبه بتهينه شوف سيد الخلق بيقول ايه فى حديث
شريف "حدثنا آدم بن أبي إياس حدثنا بن أبي ذئب حدثنا سعيد المقبري عن أبيه
عن أبي هريرة رضي الله عنه قال قال رسول الله صلى الله عليه وسلم : (من لم
يدع قول الزور والعمل به فليس لله حاجة في أن يدع طعامه وشرابه).

رواه البخاري

قول الزور بس متخيل قول الزور بيفقدك صيامك ما بالك بالى بيهين ربنا قولى
جاوبنى يا صاحبى لو انا غلطان قولى انا غلطان انا عارف انى بتكلم بانفعال
بس وربنا المعبود انا بتكلم وجسمى بيرتعش من اللى شايفه منكم ومن ردودكم
على االمواضيع اللى ذكرت القصه دى واحد بيقول انو شاف الموضوع فى اكتر من
مكان تانى وان الموضوع متكرر وياريت محدش يكرره زعلان اوى حضرتك عشان
الموضوع متكرر ياخى لو انت مش حابب الايمان ولا حابب انك تركع لربنا ونيتك
صافيه سيب غيرك يدعوا ليه وخليك انت فى لعبتك ولهوك اتقوا الله الذى اليه
تبعثون حرام عليكم ده رسولنا بيقول فى حديث شريف انصر اخاك ظالما او مظلوما
متخيل انصر اخاك تخيل بقى انت مش قادر تنصر ربك اللى هو اغلى عندنا من كل
شىء فى الدنيا سيبونا بقى من التفاهات وسيبونا من السطحيه اللى كلنا عايشين
فيها حرام عليكم ده ربكم مش حد تانى يا جماعه ده ربنا وربنا عزيز عزيز اوى
يا جماعه عزيز ذو انتقام ربنا مش بيسيب حق المؤمن ما بالك بحقه هو تخيل
ربنا لما يكلمك ويقولك حقى عليك راح فين يااااااااااااااااه اعقلها فى
دماغك وقولى اللى بنعمله ده صح انا بعترف انى كنت بلعب اللعبه وكنت شبه
محترف فى اللعبه ومش هذكر اسمى انا مين فى اللعبه ممكن يكون حد صادفنى فى
يوم بس يا جماعه صدقونى اللعبه كلها تافه دى مفيهاش شىء صح غير سرقه ونصب
لعبه بتعلمك السرقه بتعلمك اخذ حق الغير عايز ايه اكتر من كده عشان تقتنع
حرام عليك نفسك وحرام عليك دينك وحرام عليك قبل كل ده ربك اللى انت بتسجدله
بتنزل بدماغك للارض وبتحطه جبهتك وانفك على الارض خشوع لله وزل لله وفى
الاخر بتقوم من الصلاه تروح تلعب وتساعد على اهانة ربنا حسبى الله ونعم
الوكيل فيك ياخى لو ما بطلت اللعبه ودافعت عن دينك وربك حسبى الله ونعم
الوكيل فيك حسبى الله فيك منى ومن كل مسلم بيغير عن دينه وربه من كل انسان
بيقول لا اله الا الله محمد رسول الله حقا وصدقا وايمانا منه بذلك اتقى
الله واتقى نفسك حرام عليك نفسك اتقى الله ارجو من المشرفين وضع قوانين
بمنع اللعبه من المنتدى يا جماعه ده منتدى كبير مش هو اللى يقف على لعبه
تافه زى دى يا جماعه لو وقفنا لاموضوع فى المنتدى هنا كتير هتمنع نفسها من
اللعبه لان اللعبه بكده احنا بنزيد شعبيتها اكتر واكتر ارجو من المشرفين
التثبيت للموضوع دى اول مره اطلب طلب للتثبيت اى مشرف يشوف الموضوع ارجو
منه التثبيت والثواب لله وادى الصور يا جماعه للى حتى الان مش مصدق وقولى
شكلك ايه واحساسك ايه وانت بتشوف اهانة ربك بالشكل ده عينى عينك قدام
العالم كله (يا مسلم ) اكتفيت بيها بين قوسين لانه حتى الان محدش عنده
القوه انو يبقى مسلم بجدانا مش هحط استفتاء زى ما قولتلكم بس هقولك سؤال
واحد بس وجاوبه مع نفسك عشان مش تحرج نفسك قدام الزوار والاعضاء انت بتحب
ربنا ولا لا طيب لوبتحبه بتحبه اوى ولا نص نص .

اسأل نفسك ورد عليها وشوف ردك هيكون ايه ؟

دولت صورتين فى مكان واحد وفى اماكن تانيه كتيره بيحصل فيها نفس الاهانه

ده كان النقل

ابتدي انا بعد ازنكم بس ياريت التعصب والردود تكون في صالح دينك مش في صالح سيلك رود .

انا مش هطول عليكم انا بس عاوز كل واحد يحس بمعني اني واحد بيستهين بدينك
وانت بتروح عنده ومش بس كدا لا بتدفعله فلوس علشان يطور في الاهانات طبعا
الموضوع المنقول ده كان من فترة والناس اشتكت للموقع الرسمي لسلك رود وحزفه
الكلمة ديه بس لسه في كتير ما تحزفش تيجي نشوف ؟؟؟ اوك نشوف مع بعض ..
اولا عند الراجل المحترم اللي في هوتان الحداد او تاجر السلاح زي ما بنقول عليه تعالو نشوفه كدا

طبعا شايفين مكتوب علي البنطلون( بسم الله الرحمن الرحيم ) استغفرو الله العظيم

ممكن حد فيكم يلبس بنطلون مكتوب عليه كدا مفتكرش علشان حرام صح؟؟؟

نشوف تاني حاجه في واحده زي القمر قاعدة ولبسه من غير هدوم علي الصندوق (storage)طبعا كله عارفه

شايفين مكتوب ايه مكتوب ( هذا من فضل ربي ) طبعا مش محتاجه تعليق .

نشوف بعد كدا بيوت الله ... متتخضوش ماهو المسجد بيت الله وطبعا هوتان كلها مساجد
في ناس هتقول ياعم الحاج انت بتقول ايه اللي عملين اللعبة قاله هوتان
معمولة علي الحضارة الاسلامية طيب تعالو نشوف الحضارة اللي بيهنوها...

شايفين التمثال اللي علي المسجد هي ديه الحضارة ؟؟؟؟ بلاش يمكن انا مزودها تعالو نشوف حاجه تانيه

شايفين اصنام وخرفان علي المساجد نشوف كمان

طبعا ديه بئا مافيهاش كلام الهلال جواه نجمة داود رمز اليهود وكلنا عارفين

تشوفوها وهي علي المأذنة؟ حاضر تعالوا

الله يلعنهم

اخر حاجه هورهالكم مع اني في كتير

مسجد غرقان في التلج ده بئا من ضمن الحضارة الاسلامية؟

لازم يكون في رد يا جماعة مش مقاطعة وبس انا عن نفسي انا وزمايلي كتبنا رسايل للموقع الرسمي
وبنبعتها كل يوم .
كلنا فاكرين الدنمارك وقاله غير مقصود وبعدين اعتزروه
اقل حاجه ممكن نعملها نقطعهم لحد مايبطله استهزاء بالاسلام

وديه لعبة أخدت سيط عالى وعلى لسان الصغير قبل الكبير لإنهم نجحوا للأسف
إنهم يشهروها يا ترى إحنا هنعمل ايه علشان نشهر حقيقة اللعبة ديه .

معذرة أخى Expert أنا مش شايف إن اللعبة ديه تستحق منتدى ولا حتى رابط فى موضوع
ده دورى فى إبلاغ الموضوع ومستنى دوركم إنتم ....

https://2img.net/r/ihimizer/img151/6519/silkroadlu7.jpg

https://2img.net/r/ihimizer/img242/7307/urx32905jh8.jpg

https://2img.net/r/ihimizer/img136/4...71710b3ox3.gif

https://2img.net/r/ihimizer/img341/2475/22sy5.gif

https://2img.net/r/ihimizer/img96/7264/11kz1.gif

https://2img.net/r/ihimizer/img509/8...58e7567jj7.gif

https://2img.net/r/ihimizer/img509/7...b83bf5dmp2.gif

https://2img.net/r/ihimizer/img254/5...b92b065uh1.gif

اللهم بلغت اللهم فاشهد

شي كتير حلو شكرا لك ننتظر جديدك