كيك الفراولة المثلج

المكونات:

... - 2 كيك سويس رول فراولة
- كيس صغير فراولة مجمده
- 4 حبات جبن كيري
- جبن فيلاديلفيا 200 غرام
- علبتين كبار جيلي فراولة
- علبة نستله المكثف صغيرة (أو 2 اذا حابين الطعم يصير اكثر حلاة)
- زبدة للدهن فقط
- فراولة للتزيين

الطريقة:

- ندهن ماعون (عميق شوي) بزبدة

- نقطع كيك السويس رول شرايح متوسطة ونرتبها بالماعون لما نغطي كل الأجزاء مثل الصورة

- نحضر الجيلي، العلبتين نذوبهم بقلاصين ماي حار ولما يذوب الجلي نصب عليه قلاص ونص ماي بارد

- بخلاط العصير نخلط ( جبن الكيري+ فيلاديلفيا+ الفراولة المثلجة+ نستله+ الجيلي)

- نحط الخليط على الكيك وندخله الثلاجة لما يجمد

- وبعدين نقلبه.. في حال إذا الكيك مافج(فك) من الماعون، نحط فوطه دافيه عليه وهو مقلوب عشان تذوب الزبدة شوي ويفك من الماعون

و صحتين و عافية

يم يم يم
ممكن وحدة لالي

» شراب الفراولة واليانسون المثلج ..